|
Turna, Pacì Paciana! Turna, Pacì Paciana! La zét l’è semper chèla e’l pùt l’è semper lé, i càmbia ’po’ i divìse ma ’l Brèmp no ’l tùrna ’nreé! I vésse è sèmper chèi e i lader i comànda ma chi legalizàcc o mèi de professiù che i spara de gran bale de stüpecc e spacù! Intat i fà cariéra a spése de chi paga i tasse per i dèbecc e per finì ’n galera! Ma piö gna ’l Padretèrno l’ sè fiderès a nàs compàgn de l’ótra ólta in chèsto nòst paìs perchè i lo sbranerès insèm co la treìs! L’è semper chèla màfia dei fürbi e dei balòs, che co la cùa de pàia la mèt töt quànt a pòst! Po’’ u dìss che l’è la lège che la decìde iscé; che i i fà, che i vùlta e pìrla la lège co la zét! Po’’ i te denüncia ’nfi per mètet a tasì! Ma töce i scüse è bùne per tègnet incastràt! Tùrna, Pacì Paciana, a fà ’l castìga macc, tùrna ’nde Vàl Brembàna perchè m’ sè disperàcc!
di C. Guariglia
|
|
|