Te sé ‘ndacia ‘n pónta de pé
smorsàda cóme ü lümì
restàt sènsa stüpì.   

T’é scaalcàt l’öltem basèl
sènsa fà bordèl.
Cóme t’è egnìt biànch ol vis
a l’s’è dervìt i pórte del paradìs.

T’é mia dösit pagà ‘l pedagio,
a l’éra ‘l mis de maggio.
Con vòt is-cècc t’é ést la malparàda
ma te sé mai lamentàda.

Gh’éra amò fósch, te ‘ndàet de sfrós
a laà i braghe al fòss.
Minüda te séret dientada
ma la féde l’éra sèmper piö granda.

I s-cècc i éra pissègn
ma tè te scapàet a mèssa prima
perché l’éra
ol prim doér de la matina.

A spala, per l’öltima ólta
‘n de tò césa m’t’à portàt,
e de sèntet me parìa
a dì sö amò l’Ave Marìa.

E dì a töcc quàter
“I’ dìcc sö ‘l pàter?”
Me egnìa òia de ciapàt ol barbussì
e ‘n frónt dàt ü basì.

Quate ólte te gh’è metìt a nana,
e sarét sèmper “la mama”.

 

  Sei morta in punta di piedi
Spenta come un lumino
rimasto senza stoppino.

Hai scavalcato l’ultimo gradino
Senza far rumore.
Come sei diventata bianca
Si sono aperte le porte del paradiso.

Non hai dovuto pagare il pedaggio
era il mese di maggio.
Con otto figli hai dovuto tribulare
Ma non ti sei mai lamentata.
maggio 2005 - Facoetti Stefano