Quando l' crèpa 'l sò pòer tòne a l'è pròpe öna tragèdia
per la vèdova tailàda, come s'dìs, per ès alègra che la
spàra töcc i cùlp in trì dè del föneral èper sera töt in
de càssa ol passàt col bè e col màl !
A l'è iscè la vedovèla quando l'òm a l'va sottèra:
prim de töt la se fà bèla per piasì quando la pìans
a chi còr a cunsulàla perchè i pöde pò 'ncantàs
con piassèr a rimiràla !
Piè de vèta e de vigùr lü pòer tòne a l'è crepàt
per mantègnela de sciùra coi sò vèsse e i sò pecàcc !
Lè, piö stràssa e piö patida, la gatìna delicàda co la
fiàca e la muìna a l'è stàcia risparmiàda !
Gna finìt ol föneràl o comèdia del dulùr la comènsa
'l carneàl cortegiàda dai murùs !
Ma mìa töce i vedovèle a i se mèt in condissiù de
zuntàga töt ol crèdet e ne rèsta de eccessiù !
Ma i piö tànce a i preferès de restà de vedovèle
per gudìs la sò pensiù e pudì 'ntat cunsulàs coi
barbù e malmaridàcc !
(di don Giulio Gabanelli)
--------------------------------------------------------------------------