Poesie-Filastrocche-Canzoni

Matina al ròcol

Matina al ròcol  
(di G.Bonandrini-duca Pichetù)

Metìt fò i gabie e tìràt sö la rét
a l’ turna ‘n dol tabiòt l’oseladùr…
Lé, sóta mà, l’ prepara i sboradùr…
l’impìa la pipa e l’ grégna… e töt contét

a l’ se mèt lé a scoltà…’N da nòcc a s’sét
i durcc che i canta la cansù de amùr…
nel ciél a s’vèd belase a ègn sö ü ciarùr
che smórsa i stèle…Ol mónd a l’è töt quiét…

Dei mucc le sime i se culura d’or…
Taca a cantà chèi ‘n gabia e ‘n tèra a l’ cór
i sàmbei. L’è ü bèl dé… dé de passada…

Le fòe le sberlöséss per la rosada…
i prim osèi i ria per l’aria a vul…
e l’è töt ü cantà…e l’ lèa sö ‘l sul…
   
 

Mattinata al capanno


Messe a posto le gabbie e tirata su la rete
il cacciatore ritorna nel capanno…
prepara i randelli da scagliare agli uccelli per…
sparpagliarli,  accende la pipa e ride contento

si ferma ad ascoltare…  da notte alle sette
i tordi che cantano canzoni d’amore…
nel cielo si vede adagio avanzare il chiarore
che spegne le stelle…Il mondo è tutto calmo…

Dai monti le vette si colorano d’oro…
Cominciano a cantare quelli in gabbia e in terra
corrono i richiami. È un bel giorno.. di passo…

Le foglie luccicano per la rugiada…
i primi uccelli arrivano al volo nell’aria…
ed è tutto un cantare… e si alza il sole…

 


 Dalmine, novembre 2014