Ingredièncc per sés persune:
-     1 gabüs de érs
-     3 èti de carne còcia tridada (mans o sunì)
-     100 gramm de pà gratàt
-     150 gram de formài gratàt
-     50 gram de pansèta tridada
-     1 öv
-     öle de ülìa
-     40 gram de bötér
-     nus moscada
-     1 spida de ài
-     ü ciöf de pedersèm
-     sal e pìer 
                         ba68anosecc

Preparassiù:
Netà i foie de érs e fale bói per sich menücc in aqua salada. Spianà i foie sö ‘n d’öna cartasüga e lassàle sfregì. Intat a s’gh’à de preparà ‘l pié: in d’ü pignatì versà ‘l formài gratàt e ‘l öv. In d’öna bièla fa rosolà con metà del bötér, mèsa sìgola tridada, la pansèta e ‘l compòst d’ài e pedersèm. Ünìga dét pò a’ la carne tridada con d’öna spolverada de nus moscada e mes-cià töt insèma: chèsto l’è ‘l pié de pondì in mès ai foie de érs de serà sö con d’ü fìl de spagh de cüsina. Ciapà adèss öna padèla bèla larga e fàga deleguà chèl che l’rèsta del bötér e culàga dét insèma ü cügià de öle per fa fris la part de sìgola gnamò dovrada e pogià dét i scartossì de érs con sura öna spolverada de sal e pièr. Cös per quase mes’ura e servì i nosècc sura ü bèl tónd de portada, bagnàcc col so pucì de cotüra.



Dalmine, gennaio 2014  fac/