Poesie-Filastrocche-Canzoni

Presolana

Presolana,
dóm de montagna:
campanìi ch’i aparéss
tra nöele de péss,
parécc ch’i strapiómba
söl segràd del gerù,
afrèsch de fiùr
d’ògne fòsa, d’ògne culùr.

Sö la culma
l’sa lèa öna crus:
brass caressàcc
da aria mölzina
opör s-ciafunàcc
da la börasca catìa,
epör sémper vércc
per brassà töt ol mónd.

Presolana,
catedràl montana
la zét de ‘ncö
la bramèsa la tò séma
in sirca de la pass
che no la tróa piö al bass.

Lüige Föria		  
 
Dalmine, aprle 2015